نأتى ونرحل دون قرار

نأتى من حيث لا نعلم

ونعيش حياة اشبه بالبخار !!
نأكل ونشرب وننام كسائر المخلوقات
نسير تارة ونسرع تارة اخرى للوصول الي لا شيء !!
نبكى لحظة ونضحك الأخرى ...
نبحث عن اشياء صعبة المنال ..
ونجد اشياء يصعب التفكير فيها للوصول إليها !!
يعيش ما لا نرغب فيه ف حياتنا !!
يرحل عنا كل حى !!
ويبقى فقط حولنا الأموات !!
البعض منهم مات ضمائرهم
والآخر منهم مات ماضيهم
الجزء منهم مات حاضرهم
والاصعب والاصعب من يقتل مستقبله !!
جميعنا اصبح بلا مستقبل
جميعنا اصبح بلا وطن بلا منزل
نشبع بالسرقة ونتلذذ بها
نسرق أحلام البعض وافكارهم
نسمع بأذاننا ونرى بأم عيوننا نغاق كثير
رويداً رويداً يصبح معتاد على انوفنا !!
نشتد غضباً أحياناً ونكون غير مبالين أحياناً أخرى !!
تاريخك ينطوى بمرور الساعات ...
لا أحد يتذكرك ... حيث ترحل ويأتى بعدك من معه الممحاه !
يمحون إسمك من سجل الأعمال ... ويكون هو فقط الأول والأخير !!
لا تندم ... فالندم أيضاً لا يحميك من المرض ولا خطأ قمت به ...
إرض ضميرك ... ذاتك ... نفسك ... فقط إرض الله ..
مجتمع ذات هوس دينى ... العبادة لديه عبادة شكلية !!
إرع الأمانة فى مجتمع غير أمين ... هى الأمانة المستحيلة !!
ثق أن الله سيكافئك خير المكافأة ....

وأخيراً
نرحل إلي حيث لا نعلم ....

#JsHeRiF2011

tag

إنه الحزين الذي أضحك الملايين !

مات شارلي شابلن وترك لنا 3 جمل تلامس القلب :

1-لا يوجد شئ دائم في هذه الحياة ولا حتى مشاكلنا ..

2-أحب المشي تحت المطر، لانه لا أحد يرى دموعي ..

3-اكثر يوم تضيعه في حياتك، هو اليوم الذي لا تضحك فيه ... .

إنه الحزين الذي أضحك الملايين !

الصمت وهدوئه !

لا أعلم : لماذا أحبب الصمت ؟
هل من قلة الكلمات ؟

أم من موت الكلمات ؟
او ربما اكون أنا الميت ؟

اسمع ولا أجيب !!!

#JsHeRiF2011

متوجعنيش بكلامك

كلمتك مش بتريح وبتوجع

يلا قولى اللى بيوجع بجد

مهووس بالقلب !!

وإن ضعفت قدماي من الجري .. سأمشي !!

وإن تعبت من المشي .. سأحبو !!

وإن فقدت قدماي .. سأسحب على يداي !!

وإن فقدت يداي ... سأحرك حياتي بعقلي !!

وإن فقدت عقلي وجننت .. سيبقى القلب يحب أبدا !!

وإن فقدت قلبي يوما ... فإعلموا بإنني في مكان آخر .. في عالم الموتى .. الذبن هم أيضا أحياء في عالمهم !!!

#مذكرات_مهووس!!

#JsHeRiF2011

مسرح بدون جمهور !!!

رواية تبحث عن أبطال !!

وأبطال يبحثون عن روايه !!

وكل ممثل يبحث عن دور !!

وكل دور ينادي على المتفرجين !!

وسينتهي العرض في فترة قصيره ...

وسيصفق الجمهور الكثير !!

وسينحنى من هم يمثلون !!

وآخيرا ستطفأ الاضواء .. وتغلق الستائر !!

وتبقى كواليس العرض محفوره في الذاكرة العميقه لهم ... !!!! دون نسيان !!!

#JsHeRiF2011

-------------------

عاقل .. ودنيا المجانين !!!

عارفين لما يكون واحد مجنون بيدور كل يوم على مصحة مجانين يكون فيها عاقلين !!!

طيب عارفين لما يقوم يدور في سجون بتسجن مجرمين ويلاقي الكل مظلوم !!!

طيب عارفين لما يفتش جوه بيته يلاقى ناس تانيه موجودين غير المعروفين !!!

طيب عارفين لما يقلب في جيوبه علشان يفطر رغيف وإن لقاه مايلاقيش مكان يتاويه !!!

عارفين لما يحط دماغه على مخدته بعد يوم مهموم طويل .. ويتمنى ينام حتى الدقيقتين اللي باقيين يلقى نفسه في كوابيس ما يعرف يطول حتى ثانيتين !!!

طيب تصدقوا إنه بيحلم يقارق .. والقدر معاند .. شكله ناوي يخده مشلول محصور معذور من شيل المشاكل !!!

إنت يارب إللي عالم بحاله ..

بيقوم ويصحى على نفس مواله ..

وإن جيه مره يطلب تغيير ؟!

يرد يقوله .. ملكش نصيب كبير !!!

#JsHeRiF2011

-------------------

مع قهوتي 1 !!

قهوتي مرآتي

تأنسني في اشد اوقاتي

ارى فيها السماء

واحيانا ارى امواتي

من مات بداخلي يوما

ومن سوف يموت مجددا

هي تلهمني بكلماتي

وتلتهمني بمشاعرها 

مرارتها حلو في فمي

وسوادها يداعب احاسيسي

نعم أحبها .. فهي جليستي 

نعم اعشقها .. فهي رفيقتي

نعم اعشقها .. فهي لن تتخلى يوما عني

Sherif Aziz 

#JsHeRiF2011

---------------------

تأمل في الخطيه الأولى !!!

بالرغم من بشاعة الخطيه وعدم طاعتهم لربنا ( كمثلي انا !! ) ..

بالرغم من تحديهم للخالق الاعظم !! ( كمثلي انا !! )

بس حاولت اشوف الحاجه الرومانسيه في القصه بعيدا عن الدين والخطيه ....

ربنا خلق آدم قبل حواء .. يعني آدم شاف شاف وعرف يتعامل مع مخلوقات الارض قبل حواء وهنا اقصد الخبره الحياتيه .... 

وعندما خلقت حواء تفكرت وسمعت للحيه ودخل الشر في قلبها !! بعدما كان آدم يحيا حياه سعيده مع الخالق !!

ولكن أراهن أن حواء رفضت أن تأكل منها وحدها وأتخيل أن تكون تحايلت بعض الشيء او ربما اصرت وبقلب آدم الذي " يحب " حقا ... لم يرفض وليس كان هناك ما يدعوه لذلك ...

وهنا جائت حياة الشركه قبل أن تسمى بذلك !!

حواء اشركت آدم في تفاحتها ..

وآدم قبل أن يشترك في تفاحتها ..

وأصبحت التفاحه .... تفاحتهما ... خطيتهما !!

ولكن ما يدعوني للتساؤل !!

لماذا عندما ناد الله على آدم إختبأ !؟

ولماذا كل على الاخر رمى أعذار كأنه كان مسلوب الاراده !! هو كان ضعيف أمامها بكل " الحب " !! ولكن هل من الممكن أن يسمح بخطأ جسيم كهذا !!؟

تلخيص الحكايه : الحب اولا ثم الشركه ثم الخوف ثم الخبره الحياتيه ثم إحترام الاراء ثم أيضا الحب أخيرا .

#JsHeRiF2011

------------------

@sherif aziz

------------------

صناعــــــــــــــة الحيـــــــــــــــــاه

سأصنع لنفسي عقلا غير قابل لتبرير التصرفات !!

وسأصنع ايضا قلبا يحب ولا يطلب الحب من أحد !!

وسأصنع يدا ترفع وتخدم وتساعد وتساعد حتى التوقف !!

وسأصنع رجلا تبحث عن الطريق للغريب إذا ضل يوما !!

وسأصنع حبا يملا الكون زحاما من لا شيء !!

وسأصنع حياتا للموتى فدا الموت ورغما عنه !!

وسأصنع عشا لعصفور يهرب من صياد متوحش !!

وسأصنع لبنا لطفل يبكى جوعا وأمه قد ماتت !!

وسأصنع حقلا ازرع فيه بدلا من جيرا وحجاره ورماد !!

وسأصنع أمرأة ترغب في التعلم كيف تحب دون ملل !!

وسأصنع أما تعشق اطفالا لكي تعلمهم كيف يكون العشق !!

وسأصنع كأسا من المر ، أذوقه يوما إذا حدت عن الطريق !!

وسأصنع ينابيع دموعا لمن جفت ينابيع دموعه يوما !!

وسأصنع الكثير من الأبتسامات لمن فقد يوما أمله في الغد !!

وسأصنع الأبن لأب أو أم فقد إبنه يوما ما !!

وسأصنع الأب و أيضا الأم لأبنا فقدوا ابائهم وامهاتهم يوما !!

وسأعمل عن أن اصنع " مصنــع " كبير يستطيع أن يصنع الحياه كما يجب أن اكون ...

------------------------

الحيـــــــــــــــاه صناعـــــــــــــــه لــ #JsHeRiF2011

Sherif Aziz

------------------------

كراكيـــــــــــــب

احلى ما فيا شوية كراكيـــــــــــــب

ذكريات عليها شوية دباديـــــــــــب

دبدوبه حمرا بتفكرني بلحظة حب 

ودبدوبه سودا بتفكرني بغدر وكـره 

ودبدوبه بيضاء تمسح اي دمـــــوع

واحلى مافيها كراكيب قلبـــي 

ده الحب ذاته .. آه ياني مني 

كراكيب تتسرسب منــــــــــي

انساها امبارح .. في رساله تطلعلي 

اقول مش وقته .. الاقيها في حلمــي

اقوم من نومي .. الاقيها في سيرتي

ما هي اصلها ... اصلي ورسالة امسي

اصلها هي حكايتي وموالي 

منساها يوم لو حتي في خيالي

وإن بعدت لحظة !! تفضل معايا في أيامي

والأسم كراكيب .. تتسرسب مني وتصبح أم عيالي

افكاري وبنات افكاري ... هي

احلامي وحقيقتي ..... هي

افراحي واحزاني ....... هي

ما هي اصلها حجر الأساس في حياتي ... هي

يا كراكيب لو قلتلك إنسيني ؟

لو حلمت بيكي وانتي بتقتليني

لو في يوم ناديت عليكي .. سيبيني

لو حسيتي بيا بفكر فيكي .. أرجوكي إبعديني

مش خاين ولا ناكر عيشك وملحك

بس الحكايه إني حياتي ماليهاش عيش من بعدك

ماليهاش راحه في بعدك 

ولغيبتك انا راح افضل مفقود ....

كفايه كده تعبت !!!

-----------------------

JsHeRiF2011

-----------------------

 — feeling sad.

بضحك ودموعي في عينيا !!

بضحك ودموعي في عينيا ولا يصعب حالي عليا
واحيانا بكون في حاله مفهومه
واحيانا حالتي بتبقى مصدومه
ببكي ومحدش بيعرف صوتي
اصل في بكايا بيبقى لصوتي صدى
ويوم مابكون ببكي .. قلبي بيضحكلي !ويوم ما بضحك من قلبي .. عينيا بتوجعني !
اصل انا عكس الناس
احيانا بكون مهزوز ..
واحيانا من الثقه بهز اساس النفوس ..
واحيانا مخنوق .. والنفس بيكون محبوس ..
واحيانا من نفسي .. غيري بيعيش وعليا بيدوس ..
اصل انا عكس الناس ..
ومن همي بكون محتاس
بجري وبلعب ويا الناس
لكن من جوايا بكون مخنوق
بتعامل بألف وش
لكن ما عمري لحد بغش
بس الحكايه إني بغش !!
لنفسي وبس ...
مره يفتكروني بحب .. من كتر حبي للحب !
ومره يفتكروني عنيد .. من كتر التعقيد !
ومره يفتكروني مغرور .. من كتر التوبيخ !
ومره يفتكروني ... والتانيه يفكروني .. وفي كل مره بفكر نفسي .. إنك بألف وش !!!
مش زعلان إني عكس الناس ..
لكن إللي تاعبني إني مش مفهوم .. !
لا لا لا مش مهم ليهم اكون مفهوم ...
بس يا خساره ... انا بجد مصدوم !!!
والخلاصه إني عكس الناس 

JsHeRiF2011

إنسان مجهول !!

ساعات بخاف من الخوف .. لأنه خواف بيهجم علشان بيخاف !!!

ساعات بحلم بالرحيل .. مش علشان تعبان ، لأ كل الحكايه إني زهقان !!!

ساعات بغمض عينيا وبشوف ايديا بتجري عليها في دنيا "سينما الأطفال" !!!

ساعات بشوف عينيا وهي بتبص عليها بلهفه وهي جايه واستعجب .. مين هي !!!

ساعات عقلي ياخد مكان قلبي ويقعد يطبطب عليه ويقوله : معلش بكره تفهم انا مين !!!

ساعات بكون في الدنيا مجنون .. سايق بسرعه ناحية الغير معلوم .. ومستعجل !!!

ساعات بكون مصدوم في وقت فيه تايه محروم وقت مالاقي حب يحبني ويفتح بابه ويطردني !!

ساعات بنسى إني مخلوق من تراب .. وبفتكر اني مخنوق من شوية سراب !!!

ساعات بشم ريحة شيطان في وقت كله سلام .. بس امان وهم مالوش زمان !!!

ساعات بنسى اللي اللي مش قادر انساه في وقت يجي اللي يفكرني بيه وبكل اساه !!!

ساعات الدقايق ولا دقايق الساعات ... ولا اصلا مافيش وقت او اوقات .. وكله بقا ذكريات !!!

إنسان مجهول !!!!

------------------- 

JsHeRiF2011

----------------------------

مخنوق .. محبوس !!

لو مفكر إنك مخنوق اومحبوس جوه قفص مشدود بألف حبل !!مربوط من نفسك مش حسك مش لامسك !!جواك شايل مش قايل وجعك إحساسك مش باين ،كلام حكيم حميم يألم متألم مش عايز تبكى !!وإن تبكي مش راح تتحل !!وإن تبكي في يوم مش ده الحل !!تصرخ من وجعك وتقول انا مش دول !!مقتول من الفرحه مهاجر مش بضحك !!بس انا بضحك على نفسي وبكره اللي مجاشي !!وإن جيه يفرحلي هاغنيله لأ قصدي هأغني عليه ،ماهو كل حكايه بتنتهي مش تبدء ،وإن بدءت تضحك بتداري ،وإن شوفت عينيها بتضحكلي اقلق واقول أن مش عالي ،ده انا جوه الدنيا مناش عادي ،صراخ وصداع مع حبه "عادي" بتعمل أحلى حاجاتي ،ومستغناش يوم عن المي قصدي ده قلمي منه بيكتب .. منه بيشطب ،اكتب بيه وورايا يشطب ،اجي واقوله ليه يا قلمي ؟ يرد يقول اصلي مزور !!يا خساره كنت اللون الغامق قصدي الفاتح اللي يعلم على كشكولي ،ابدء بيه وفي اول ورقه واكتب بيه ع السطر الأول ،بدايه جديده حلوه شديده ، الاقي في الورقه كسره شديده ،عتيقة اللون بعد ما كانت بيضا !!ليه يا ورقتي تكتمي عني ؟ ده انا موالك ودنيت خطك ؟؟

ولسه يا دنيا هأغنيلك ، هاحبك وهاحيلك وكمان أضحلك وكمان بالصوره وبالصوت ، ده لساني هاطلعلك 


-------------------JsHeRiF2011------------------------

تائـــــــــــــه !!!

 

ما أصعب أن تصبح تائها بين 

(ماضيا يرفض أن يبتعد) و (حلما لا يكتمل) و (واقعا لا يحتمل) !!!

فهذا هو (الماضي) و (المستقبل) و (الواقع)

لا أعلم هل ستأتي لحظة واكرهك !

انتي يا سبب شقائي !

أنت يا سبب شقاء من أحب !

ولكني لا أستطيع أن أقولها !

فأنتي كل ما لدي الآن .. نعم كل ما لدي !

انتي التي تفــــكرين .. حينها أكون أنا سجين فكرتك !

أنتي التي تخططيــن .. حينها أكون أنا خلف أسوار خططك !

أنتي التي تبــــدعين .. حينها أكون أنا منطرح علي أرضك !

أنتي التي تحــــلمين .. حينها أكون أنا من يري كابوسك !

أنتي التي تثقيــــــــن .. حينها أكون أنا من يعاني من سذاجتك !

أنتي التي تحبيـــــــن .. حينها أكون أنا من ينكوي من نارك !

أنتي التي تفرحيـــــن .. حينها أمون أنا من يلملم في جراحك !

لقد سئمتك (يا نفسي) ! تجري بدوت تحري !

ماذا تريدين مني ؟ 

أهل تطلبين أن أدمر من حولي بغبائك !؟

أهل تكرهينني إلي هذا الحد !؟

ولكن دعيني أقول لك كلمة بيني وبينك 

(أنا قادر علي الخلاص منك حتي أخلص غيري من سجني) 

ولكن سأتركك تحلمين ولتعلمي أنها اّخر فرصك ، ولترحلي عن عالمي إن فشلت !

ولكنك لن تحطمين قلوب من حولي ! فأنتي تجهلين معني الجرح !

وايضا أقول لك لن أختبئ كثيرا ، وحتما سيأتي اليوم الذي سأخرج خارجا عنك ! وأبحث عن ما أريد أنا ولست ما تريدي أنت !

سا أبحث عما في خارج صندوق الذكريات ، 

وسأغلق عليك ألف باب وباب ! 

لأنك حينها ستكونين خارج حسابات حياتي !

فا أنا كنت أعمل جاهدا لارضائك علي حساب قلبي !

سأخرج ! سأخرج ! كيف ذلك !؟ لا أعلم ! ولكني سأخرج !

------------------

JsHeRiF2011

---------------------

نور بإيديك شمعتــــــك

نور بإيديك شمعتــــــك 

كسر حصون ضلمتــــك

إرفض عتمة الليـــــــــل 

وإقبل من بكر شمسك

-------------------

JsHeRiF2011

-------------------------

رجل قلب ..

------------------------------------------------------------------------------

قلبي يتوقف عن النطق حين يسمع صوت قلبها يبكي

قلبي ينطق كلماتا ممزوجه بإبتسامات حينما يسمعها تضحك

نعم ، فأنا رجل قلب وليس رجل أذن وعين وفم .. 

بل قلب يسمع ويرى ويتكلم وينبض حبا ومشاعر ...

---------------------------

JsHeRiF2011

-----------------------------------------------------------------------------

لا أحد !!

لا أحد يشغلني

لا أهتم بأحد ..

ولا أشعر بأحد ..

لا أرغب أن يسأل عني أحد ..

ولا يشعر بي أحد ...

فقط هناك أحد ما ينتظرني ..

وانتظره ايضا ..

هذا هو ما يشغلني ..

هذا هو ما يشعرني بإنني مازلت حيا ..

فشكرا لك على كل شيء ..

على أمس واليوم وماسوف يكون غدا ..

----------------

JsHeRiF2011

----------------

وشـــــــــــــــــوش

ساعات بدور علي شبهي في وشوش
مابقالاقيش
يمكن علشان مافيش
مافيش ازاي طيب ما انا عايش وهعيش !
...........
ده الصعب .. اما الأصعب
إنك تدور على نفسك جوه نفسك ومتلاقيهاش
ساعات تكون صادق وساعات تكون كداب ومنافق
ساعات تكون بـ وش وساعات تكون بألف وش ووش
ساعات تكون طيب وساعات تقلب معاك بـ عبيط
ساعات تكون سعيد وبتداري في نفس الساعه اللي فيها تكون ... اّاّاّاّه
ساعات تكون مسالم وساعات تكون مفتري واّاّلم
ساعات تكون حبيب وساعات بتكون عدو
ساعات تكون سامي وساعات تكون اي حد
ساعات تكون مينا وساعات تانيه مش حد
.........
الأصعب والأصعب والأصعب
إنك تكون قدام الشاشه بـ وش ، وجوه الشاشه بـ وش
إنك تكون جوه اوضتك بـ وش وبره اوضتك بـ وش
إنك تكون مع ربنا بـ وش ومع اول فرصه يتشال الـ وش
إنك تكون مع حبيبك بـ وش ومع غيره بـ وش ووش ووش
يا ســـــــــــــــــــــلام ع الغــــــــــــــــــــــــش
طب كش وماتعش لحسن تقع مـ العش
..........
حاول تقلب في نفسك وتقلب وتقلب
وتسيب نفسك لنفسك شويه يمكن تقدر تعملك حاجه
مايفهم نفسك غير نفسك وإياك تقول (فلان) ممكن يعمل حاجه
ده هما كلمتين ويومين وترجع زي زمان نفس الحاجه
ارفض وشوشك الكتير
وبلاش تلف وتلف كتير
والحق نفسك وارفض وش غيرك
خليك نفسك قبل ما تبقي تابع فقط لاغير
...........
ده وش بابا
ده وش ماما
ده وش صاحبي
ده وش صاحبتي
ده وش حبيبي
ده وش عدوي
ده وش سالم
ده وش غانم
ده وش منافق
ده وش مهاجم
ده وش مرايه
ده وش عزايا
ده وش بيتعبني
ده وش يريحني
ده وش ........
وده وش ........
وده وش ........
يا خساره عليك وانت فين وشك
يا مسكين وسط الملايين
يا عايش ع الهوامش
يا متنازل عن وشك اكيد لغيرك
ما هو في زيك كتير
المتعه عنده انه يعيش اسير
عايش بغيره وماشي ضد سيره
فووووووووووق وخليك انت ، مش غيرك

----------------------------

JsHeRiF2011

----------------------

انا مش لوحدي !!!

أنا أكتشفت إني " أنا مش لوحدي " !!!

في حد عايش جوايا وملازمني في كل حاجه ، ولكن الحقيقه اللي إكتشفتها إنه ماطلعش واحد بس دول طلعوا كتير قوي !!!

انا حاسس ان جوايا :

واحد طيب ... وواحد تاني شرير !!!

واحد من السماء ... وواحد تالت من الأرض !!!

واحد اخلاق ... وواحد رابع واطي !!!

واحد مؤدب ... وواحد خامس مش متربي !!!

واحد انسان ... وواحد سادس ماعندوش قلب !!!

واحد مش في دماغه ... واحد سابع بيحسب كل حاجه !!!

واحد حساس قوي ... وواحد تامن مش على باله !!!

واحد بيحب اوي ... وواحد تاسع بيكره اوي !!!

واحد راجل جدااا ... وواحد عاشر مش اد المسؤوليه !!!

واحد عاقل جدا ... وواحد غيره طفل اوي !!!

وواحد وواحد وواحد وواحد

انا بصراحه انا مش عارف انا مين

-------------------

JsHeRiF2011

--------------------