كلمه في ودانك !!!

عايز اقولك كلمه في ودنك :

---> مش علشان رجل دين وحش !! يبقى كلهم وحشين ..

---> مش علشان أمين خدمه مش "أمين" !! يبقى كلهم مش أمناء ..

---> مش علشان خادم مش بيحب مخدوميه !! يبقى كلهم مش فيهم محبه ..

---> مش علشان أب في بيته مش "أب" !! يبقى كلهم مش فيهم الرب ..

---> مش علشان أم في بيتها مش بقلب !! يبقى كلهم مش فيهم الحب ..

---> مش علشان واحد خانك وضربك في ضهرك !! يبقى كلهم خاينين ..

---> مش علشان واحد بيشتم في الشارع !! يبقى إحنا مجتمعنا مش محترمين.

---> مش علشان انا وحش وبجيب في سيرتك !! هتظلم معايا الناس المتربيين .. 

---> في ناس حواليك كتير حلوين ... بس ربنا بيوريك الوحش الأول !!!

Sherif Aziz 

#JsHeRiF2011

-----------------------------------------------------------

امنحني الثقه في نفسي كي أعبر لك مجددا

أعلم إنك تستطيع أن تفعل كل شيء ولا يعثر عليك أمر ..

اجلسني تحت قدميك كالمرأة الخاطئه ..

واقمني من أمامك نفس تائبه بنعمتك ..

إرحم صغر نفسي ..

إعن ضعف إيماني ..

طال بي الليل ولا يوجد من يضيء لي الطريق سواك ...

نهاري كله بكاء على ما مضى ..

اقمني من سقطتي يا الله ...

خطيئتي أعظم من أن تحتمل ..

لا تحجب وجهك عني يا مخلصي الصالح ..

لا ترفضني كمثل باقي البشر ..

امنحني سلامك الذي قلت عنه " ليس كما يعطي العالم اعطيكم انا " ..

إدخلني من بابك المفتوح الذي قلت عليه " تفتح ولا أحد يغلق بعدك " ..

اقمني من سقطتي وارفع حملي الثقيل عن ظهري المنحني كما قلت " تعالوا إلي يا ثقيل الاحمال وانا أريحكم " ..

لم يعد بمقدوري أن اتحرك إليك .. فتعالى أنت إلي .. تعبت من كثرت محاولاتي وكلها بائت بالفشل ... !!

أعلن أمامك يارب وافضح ما بداخلي من شيطان إنني فشلت وضعفت وانحنى ظهري ... شعري شاب .. وظهري إنحني ..

أقمنى يارب .. عزيني .. ثبتني .. اغفرلي .. قومني .. توبني .. امنحني الثقه في نفسي كي أعبر لك مجددا ...

JsHeRiF2011

------------------

كراكيـــــــــــــب

احلى ما فيا شوية كراكيـــــــــــــب

ذكريات عليها شوية دباديـــــــــــب

دبدوبه حمرا بتفكرني بلحظة حب 

ودبدوبه سودا بتفكرني بغدر وكـره 

ودبدوبه بيضاء تمسح اي دمـــــوع

واحلى مافيها كراكيب قلبـــي 

ده الحب ذاته .. آه ياني مني 

كراكيب تتسرسب منــــــــــي

انساها امبارح .. في رساله تطلعلي 

اقول مش وقته .. الاقيها في حلمــي

اقوم من نومي .. الاقيها في سيرتي

ما هي اصلها ... اصلي ورسالة امسي

اصلها هي حكايتي وموالي 

منساها يوم لو حتي في خيالي

وإن بعدت لحظة !! تفضل معايا في أيامي

والأسم كراكيب .. تتسرسب مني وتصبح أم عيالي

افكاري وبنات افكاري ... هي

احلامي وحقيقتي ..... هي

افراحي واحزاني ....... هي

ما هي اصلها حجر الأساس في حياتي ... هي

يا كراكيب لو قلتلك إنسيني ؟

لو حلمت بيكي وانتي بتقتليني

لو في يوم ناديت عليكي .. سيبيني

لو حسيتي بيا بفكر فيكي .. أرجوكي إبعديني

مش خاين ولا ناكر عيشك وملحك

بس الحكايه إني حياتي ماليهاش عيش من بعدك

ماليهاش راحه في بعدك 

ولغيبتك انا راح افضل مفقود ....

كفايه كده تعبت !!!

-----------------------

JsHeRiF2011

-----------------------

 — feeling sad.

مناجاه " لعازر " !!

ياربي يسوع المسيح

اعلم إنني خاطئ حتى هذه الدقيقه من عمري !!

واعلم أن صلاة الاشرار مكرهه للرب !!

واعلم إنني لا ساخن ولا فاتر في الروحيات وانت مزمع أن تتقيأني من فمك !!

وفي الوقت نفسه أعلم إنك جئت من أجلي !!

أعلم إنك جئت من أجل "لعازر" الذي بداخلي !!

أعلم إنك جئت لتقيم الانسان الاول الذي مات بخطيته !!

وأعلم أيضا إنك تنتظرني مئات المرات بعد كل سقوط في الخطيئه !!

وكما أعلم وعودك الامينه إلي بإنك مازلت على الباب تقرع وتنتظرني أن أفتح لك !! وإن دخلت لا ترغب في الخروج !!

كما أعلم إنني كاذب وكل وعودي نحوك هي كذب أيضا !!

وكما تطلب مني أن أرجع إليك لترجع إلي !!

أطلب منك أيضا أن تمسك برجليا ويديا ولساني وعقلي وقلبي وكل حواسي وتجذبني إليك !!

لم ولن أتوب يوما إلا أن تتوبني !! فأنت من قلت ذلك !!

بحثت عن ماء وشربت من ماء الخطيه !!

تركتك أنت ينبوع الماء الحي وإلتجأت إلي ماء الدنيا الوقتيه !!

اشتهيت ونظرت !!

وأكلت وشربت !!

وجمعت في المال !!

غضبت وشتمت وكرهت ولعنت !!

وفي كل هذا مازلت عطشان واطلب ماء الحياة الابديه !!

لا أجد كلاما يوفيك حقك عليا !!

ولكني أطلب منك أن تعطيني الفرصه الاخيره وبمعونتك وقوتك وإرشاد روحك القدوس .. سأنتصر على ذاتي الحقيره .. وستتقدس بحلول روحك القدوس !!

ساعدني .. انقذني .. لا تهملني !!

----------------------

BY Sherif Aziz

#JsHeRiF2011

----------------------

وايه يفيدني في الحياه !!!

انا بالانا مولود

غرور في الطبع موجود

ويوم ما اقول مهدود

ما احب حد يقولي مالك !!

سايب إيديك يا تواضع

سايب إيديك يا خشوع

انا من المحبه ممنوع

ولا يوم هاممني سيدي !!

همي بقا جمع المال

همي بقا زي الخال

اصحى واقوم مهموم البال

في الساقيه زي التور !!

انا من النوم محروم

انام واصحى مهموم

بجري ورا حق اليوم

وناسي حق إللي إشتراني بدمه !!

وايه يفيدني في الحياه

مادمت ماشي بالسفه

امشي من غيره وبلاه

ولا معايا حق الكفن !!

------------------------

رباعيات روحيه ...

By Sherif Aziz

#JsHeRiF2011

----------------------

بضحك ودموعي في عينيا !!

بضحك ودموعي في عينيا ولا يصعب حالي عليا
واحيانا بكون في حاله مفهومه
واحيانا حالتي بتبقى مصدومه
ببكي ومحدش بيعرف صوتي
اصل في بكايا بيبقى لصوتي صدى
ويوم مابكون ببكي .. قلبي بيضحكلي !ويوم ما بضحك من قلبي .. عينيا بتوجعني !
اصل انا عكس الناس
احيانا بكون مهزوز ..
واحيانا من الثقه بهز اساس النفوس ..
واحيانا مخنوق .. والنفس بيكون محبوس ..
واحيانا من نفسي .. غيري بيعيش وعليا بيدوس ..
اصل انا عكس الناس ..
ومن همي بكون محتاس
بجري وبلعب ويا الناس
لكن من جوايا بكون مخنوق
بتعامل بألف وش
لكن ما عمري لحد بغش
بس الحكايه إني بغش !!
لنفسي وبس ...
مره يفتكروني بحب .. من كتر حبي للحب !
ومره يفتكروني عنيد .. من كتر التعقيد !
ومره يفتكروني مغرور .. من كتر التوبيخ !
ومره يفتكروني ... والتانيه يفكروني .. وفي كل مره بفكر نفسي .. إنك بألف وش !!!
مش زعلان إني عكس الناس ..
لكن إللي تاعبني إني مش مفهوم .. !
لا لا لا مش مهم ليهم اكون مفهوم ...
بس يا خساره ... انا بجد مصدوم !!!
والخلاصه إني عكس الناس 

JsHeRiF2011

ومازالت الحياه مستمره ...

نتعلم من بعضنا البعض

ونتعلم من جرح البعض

ونتعلم من جراح البعض

ونتألم من بعضنا البعض

ونتألم من جراح البعض

نشكر بعضنا البعض

ونودع من بقي من البعض !

نستيقظ على صوتهم 

وننام على صوتهم

نأكل ونشرب لاجلهم

نعيش ونتمسك بهم

ويكون حلاوة لهمومنا معهم !

نشعر إننا بدونهم لا شيء

ويشعرون إنهم بدوننا لا شيء

كل يرى الاخر إنه كل شيئ !

بل كل الحياه .. كل شيئ !!

ومازال العطاء مستمراااااا

ومازالت الحياه مستمره

لا تقف على أحد .. فالغد ينتظر !!

---------------

Sherif Aziz 

JsHeRiF2011

------------------------

إنسان مجهول !!

ساعات بخاف من الخوف .. لأنه خواف بيهجم علشان بيخاف !!!

ساعات بحلم بالرحيل .. مش علشان تعبان ، لأ كل الحكايه إني زهقان !!!

ساعات بغمض عينيا وبشوف ايديا بتجري عليها في دنيا "سينما الأطفال" !!!

ساعات بشوف عينيا وهي بتبص عليها بلهفه وهي جايه واستعجب .. مين هي !!!

ساعات عقلي ياخد مكان قلبي ويقعد يطبطب عليه ويقوله : معلش بكره تفهم انا مين !!!

ساعات بكون في الدنيا مجنون .. سايق بسرعه ناحية الغير معلوم .. ومستعجل !!!

ساعات بكون مصدوم في وقت فيه تايه محروم وقت مالاقي حب يحبني ويفتح بابه ويطردني !!

ساعات بنسى إني مخلوق من تراب .. وبفتكر اني مخنوق من شوية سراب !!!

ساعات بشم ريحة شيطان في وقت كله سلام .. بس امان وهم مالوش زمان !!!

ساعات بنسى اللي اللي مش قادر انساه في وقت يجي اللي يفكرني بيه وبكل اساه !!!

ساعات الدقايق ولا دقايق الساعات ... ولا اصلا مافيش وقت او اوقات .. وكله بقا ذكريات !!!

إنسان مجهول !!!!

------------------- 

JsHeRiF2011

----------------------------

مخنوق .. محبوس !!

لو مفكر إنك مخنوق اومحبوس جوه قفص مشدود بألف حبل !!مربوط من نفسك مش حسك مش لامسك !!جواك شايل مش قايل وجعك إحساسك مش باين ،كلام حكيم حميم يألم متألم مش عايز تبكى !!وإن تبكي مش راح تتحل !!وإن تبكي في يوم مش ده الحل !!تصرخ من وجعك وتقول انا مش دول !!مقتول من الفرحه مهاجر مش بضحك !!بس انا بضحك على نفسي وبكره اللي مجاشي !!وإن جيه يفرحلي هاغنيله لأ قصدي هأغني عليه ،ماهو كل حكايه بتنتهي مش تبدء ،وإن بدءت تضحك بتداري ،وإن شوفت عينيها بتضحكلي اقلق واقول أن مش عالي ،ده انا جوه الدنيا مناش عادي ،صراخ وصداع مع حبه "عادي" بتعمل أحلى حاجاتي ،ومستغناش يوم عن المي قصدي ده قلمي منه بيكتب .. منه بيشطب ،اكتب بيه وورايا يشطب ،اجي واقوله ليه يا قلمي ؟ يرد يقول اصلي مزور !!يا خساره كنت اللون الغامق قصدي الفاتح اللي يعلم على كشكولي ،ابدء بيه وفي اول ورقه واكتب بيه ع السطر الأول ،بدايه جديده حلوه شديده ، الاقي في الورقه كسره شديده ،عتيقة اللون بعد ما كانت بيضا !!ليه يا ورقتي تكتمي عني ؟ ده انا موالك ودنيت خطك ؟؟

ولسه يا دنيا هأغنيلك ، هاحبك وهاحيلك وكمان أضحلك وكمان بالصوره وبالصوت ، ده لساني هاطلعلك 


-------------------JsHeRiF2011------------------------

تائـــــــــــــه !!!

 

ما أصعب أن تصبح تائها بين 

(ماضيا يرفض أن يبتعد) و (حلما لا يكتمل) و (واقعا لا يحتمل) !!!

فهذا هو (الماضي) و (المستقبل) و (الواقع)

لا أعلم هل ستأتي لحظة واكرهك !

انتي يا سبب شقائي !

أنت يا سبب شقاء من أحب !

ولكني لا أستطيع أن أقولها !

فأنتي كل ما لدي الآن .. نعم كل ما لدي !

انتي التي تفــــكرين .. حينها أكون أنا سجين فكرتك !

أنتي التي تخططيــن .. حينها أكون أنا خلف أسوار خططك !

أنتي التي تبــــدعين .. حينها أكون أنا منطرح علي أرضك !

أنتي التي تحــــلمين .. حينها أكون أنا من يري كابوسك !

أنتي التي تثقيــــــــن .. حينها أكون أنا من يعاني من سذاجتك !

أنتي التي تحبيـــــــن .. حينها أكون أنا من ينكوي من نارك !

أنتي التي تفرحيـــــن .. حينها أمون أنا من يلملم في جراحك !

لقد سئمتك (يا نفسي) ! تجري بدوت تحري !

ماذا تريدين مني ؟ 

أهل تطلبين أن أدمر من حولي بغبائك !؟

أهل تكرهينني إلي هذا الحد !؟

ولكن دعيني أقول لك كلمة بيني وبينك 

(أنا قادر علي الخلاص منك حتي أخلص غيري من سجني) 

ولكن سأتركك تحلمين ولتعلمي أنها اّخر فرصك ، ولترحلي عن عالمي إن فشلت !

ولكنك لن تحطمين قلوب من حولي ! فأنتي تجهلين معني الجرح !

وايضا أقول لك لن أختبئ كثيرا ، وحتما سيأتي اليوم الذي سأخرج خارجا عنك ! وأبحث عن ما أريد أنا ولست ما تريدي أنت !

سا أبحث عما في خارج صندوق الذكريات ، 

وسأغلق عليك ألف باب وباب ! 

لأنك حينها ستكونين خارج حسابات حياتي !

فا أنا كنت أعمل جاهدا لارضائك علي حساب قلبي !

سأخرج ! سأخرج ! كيف ذلك !؟ لا أعلم ! ولكني سأخرج !

------------------

JsHeRiF2011

---------------------

لحظـــــــــــــــــات

 

لحظات ابكي منها ... وأخرى ابكي عليها ...

لحظات اضحك منها ... وأخرى أضحك عليها ...

لحظات افرح بها ... وأخرى افرح لها ...

لحظات اشك منها ... وأخرى أشك فيها ...

لحظات اتأكد منها ... ولحظات اتأكد بها ...

لحظات أعبر بها ... وأخري أعبر لها ...

لحظات أشعر بها ... ولحظات تشعر بي ...

...

ولكن يكفيني أنها بجانبي ... 

أفرح وأحزن تحزن وتفرح ...

ونظل كما كنا .. كما ذوبنا .. كما قلنا ... 

أننا سنظل أوفياء متعانقين متحابين ... 

صادقين ثابتين متشبثين بالأمل ...

...

كلماتها البسيطه تنقذني مما أكتنفني من بحور يأسي ...

سكوتها يذهلني عندما أدقق وأستمع إلي صوتها الداخلي ...

نظراتها تغنيني .. تشبعني .. ترويني .. تزيدني في شبابي ...

لمساتها تجعلني أحلق في مكان ليس فيه الا هي .. ويكفيني ...

...

----------------

JsHeRiF2011

-----------------------------

قلبــي مكســـور !!!

قلبي مكسور ..

قلمي مكسور ..

عقلي مكسور ..

...

صوتي محصور جوه سجن مسجون ...

برايا عايش وجوايا ميت مقبور ... 

 

ولو رجعت في يوم يقولي معذور ...

...

اقوله واحد .. يرد عليا ويقول اتنين ..

قلبي وعقلي وانا بينهم مسكين .. 

 

لو راضيت عقلي مش هحب لثانيتين ..

 

لو راضيت قلبي مش هفكر لسنين ..

عايش جوه قفص صوتي ومحبوس ..

لا منه عايز يطلع ولا منه عايز يخضع ..

لا منه عايز يقول ولا منه عايز يثور ..

...

دوامه وكلنا عايشين فيها ..

واياك تقول انا مش ليها ..

انتا دايما معاند فيها ..

وهي عايزه تقضيها ..

...

------------------------

JsHeRiF2011

-------------------------------

09-10-2012

هموم الرجـل كثيره
وأعظمها فراق إمراه
يــــــحـــــبــــــهــــــا
!!!!!!!!!!!!!!!!!!!!!!!!
--------------------------------------------------
إحساس صعب مش قادر اوصفه
لما الدقيقه تعدي وانا مش قادر المسه
لما افكر اني ممكن في يوم افقده
لما احس إني محتاجه ومش قادر اكلمهلما يبقى على بعد خطوه مني ومش قادر ليا اضمه

-----------------
JsHeRiF2011

-------------------------

إحتــرمــوا !!

إحتــرمــوا عــزلــة البعــض المــؤقتــه
و رغبتـهـم بــالإبتعـــاد عـن الأخــريــن
ولاتكثــروا الـظنــون
أو تصــدروا الأحكــام
جميعنــا ... نحتــاج إلــى خـــلــوه ومواجــــــهه صــادقـــه مــع النفـــس .

--------------------

JsHeRiF2011

---------------------------

تأملات -- الشجره ..

هل أحد منكم سمع الأشجار وهي تصرخ عندما يقطع الناس أوراقها او يقطعون جذوعها !؟

فكن كالشجره ، فإن صمتها شموخ وليس استسلام وخضوع !

...

حاول أن تتأمل الطبيعه وقوتها ...

...

-------------------------

JsHeRiF2011

الرساله الآخيره !!

يا حبيبتي
...
حبيبتي الجميلة العنيده
إمسحي رسائلي القديمه
فها انا اكتب لك برسالتي الجديده
القلب الذي كتب قديما ولم تشعري به
بقلمه الذي ينزف دما الآن هو نفسه
...
خرجتي تبحثي عن الكلمه
دون المشاعر
مشاعر ! أية مشاعر !؟
فأنتي لا تعرفي سوى الكلمات
أنا أعلم إنك لم تشعري بي يوما
وانا أعلم إنك لم تهوي قلبي
بل أنتي مريضه بجمع البشر حولك
دخلتي إلي قلبي وحطمتيه
ولم يهمك أنا !
بل كان همك أن تحصلي على ما تريديه
...
كل اقلامي قد فرغت
وكل اوراقي قد ذبلت
وكل مراسيلي قد مسحت
فهل نسيت مراسيلي !؟
...
لحظه من فضلك
فأنا لم أتحدث عنك بعد
فكل ما قلته هو قشور من "من انت ؟"
ولكن يكفي أن اقول
إن اقل الأسباب يأتي بأعظم الأشياء
إن الهمسة تأتي بكلمه ثم بفعل
يعرفني من انت ؟
...
يا حبيبتي وما زلت حبيبتي !
لأني إن كرهتك يوما .. فكيف أقول إنني أحببتك يوما ؟
كنت أتمني أن اكتب اّخر رسائلي
وانا بجانبك
أوصيك على اولادنا واحفادنا
تأخذين بيدي حتي تودعيني إلي قبري
وأرحل وانا في فرحة تغمرني
لأنك ظللت بجانبي حتى النهايه
ولأنني ظللت بجانبك حتي أخر صفحه في حياتي
...
تفضلي مكاتيبك واشعارك عني وكفى كذبا
تفضلي كل مايذكرني بك من حروف كتبت لي
تفضلي خصلة شعرك الساقطه من فوق رأسك
فهي تحدثني في كل ليله وتعذبني
تفضلي صورك .. تفضلي ذكريات اّليمه وجميله
...
ولكن لا أعلم
كيف ستأخذين صورتك التي في قلبي !؟
صورتك المرسومه لي في عقلي !؟
صورتك التي هي ليست صوره بل انتي التي بداخلي
اتحدث معك
واتعشى معك
وفي الصباح استيقظ على صوتك
لكي ايضا افطر معك
تداعبيني واداعبك
نتفق ونختلف
نتصارح ونتصالح
والفرق ما بيننا يتلاشى
...
وفي كل هذا انا سوف اتناسى
مع اتصال جديد يهمس إلي قلبي
مع لمسة إصبعك فوق يدي
مع كلمة تدق أذني
ومعها تدق أجراس الفرح في أنحاء جسدي ونفسي
...
كم من حبيب فارق .. وكم من حبيبه فارقت
ولكنك لن تفارقيني لأنك لم تكوني لي حبيبه يوما
بل كنتي أنا .. كنتي كل شيئ
كنتي الأم والأخت
الصديقه والرفيقه
كنتي القلب المريح
اضمه لأبكي في حضنه
واطير به لأضحك في عينيه
كنتي الكثير والكثير ومازلت .. لأني لم ولن أجد غيرك
يا حبيبتي الأولى والأخيره
من ذاق حبك المشوش
لا يستطيع أن يحب ثانيا
ولكني فوق كل هذا
فأنا احببتك رغم بغضي لما يسمى بالحب !
...
يا حبيبتي
.........................
JsHeRiF2011
-------------------------

شمس الحب .. وقمر الوفاء ..

بدفء المشاعر اشعر وانا بجانبها..

تلملم حياتي المبعثره تحت ذراعيها ..

حبها لا يعرف الا الحب فقط ...

احاسيس تجبرني أن اسلم نفسي لها ..

اصبح قلبي مختبئا في قلبها ...

عقلي لا يهمس إلا لها ..

عيناي لا ترى سواها ....

ليس معنى للنهار والليل وانا بقربها ...

فهي شمس الحب .. وقمر الوفاء ....

في بعدها عني .. تتوقف الحياه ...

16/01/2014 Birthday !!!

JsHeRiF2011

-------------------

انا لسه اعمى !!

شوكة في راسي ... قصدي في راسك

انت بدالي على الصليب !!!

شوفت الحربه مضروبة في جنبي ... قصدي في جنبك

ما انت بدالي في موقف عجيب !!!

مسمار في ايديا ... قصدي إيديك

ده انت بسببي مت غريب !!!

مسمار وحربة واكليل شوك

انا كنت واقف هناك !!!

يوم ما كانوا بيحاكموك !!!

يوم ما كانوا بيلطموك !!!

اكليل شوك لابسوك !!!

على خشبة الصليب علقوك !!!

يا ويلي من اللي خانوك !!!

قصدي خيانتي ليك ولحبك !!!

جيت علشاني وانا جرحتك !!!

تلت مسامير دقتهم في لحمك !!!

وكمان حربة غارسها في جنبك !!!

وساعة ما عطشت بالخل سقيتك !!!

وانا بإيديا سكنتك قبري ... قصدي قبرك !!!

قتلتك واهانتك ... وبإيديا دفنتك !!!

وبعد ده كله جاي وباقولك ممكن تسامحني .. باقولك !!!

اقول ايه وانا لسه اعمى !!!

اعمى القلب ولساني يشهد !!!

صمتي عليك ... صمتي دليل

عجز وضعف ويأس وخوف !!!

ارجوك تسند ... ده انا قلبي ذليل !!!

مكسور محصور متلجم من خوفي

ما اعرف سكه غير تنهيدي

وبعد قيامتك

لسه بخونك !!!

ايوه بخونك !!!

بعدي عنك !!!

كرهي لأبنك !!!

سايب بنتك !!!

بره حظيرتك !!!

ارجع ليك ؟؟؟ ايوه ده حقك

بس ساعديني ... احبي عليك 

وترفعني على منكبيك

وتشيلني جوه عنيك

اصلك نقشني على كفيك

وعدك ليا آمين وصادق

مهما اتأخرت واثق فيك

حبك ليا هو دليلي

ولا غيرك يحن عليا

دايما ما اعرف اقفل كلمه ليك

ودايما سايب باب قلبي مفتوح ليك

ادخل ... نضف ... حطم صنمي وخليني ليك

يــــــــــــــــــــــــــا يســــــــــــــــــــــــــــــــوع

يــــــــــــــــــــــــــا إبـــــــــــــــــــــــــــــــن الله

------------------------

منـــــــــــاجـــــــــــاه

JsHeRiF2011

------------------------