اريد رحمه .. لا ذبيحه !!!

نفسي رجال الدين يخفوا من مرض التصوير بقا ، إللي في كل مكان يروحوا فيه ويتصورا فيه !!

إرحموا صغار النفوس وضعف البشريه . 

في ناس بتتمنى تخدم والكنيسه قفلت في وشهم الباب .. علشان ما اخدوش ما يسمى ب " إعداد خدام " !!!

ده حتى بلاش نخلي الخدمه تباهي .. !!

واللي تشوفه بيعمل عيد ميلاده وغيره مش لاقي الرغيف الحاف !!

واللي تشوفه متصور مع إبنه وغيره بيتمنى ربنا يديله !!

وإللي تلاقيه بيصيف وغيره بيحاول يسد ديونه !!

بلاش تقول انا رايح اتعالج بره .. اصل في ناس هنا بتموت ومحدش حاسس بيها !! 

بلاش تدخلوا كنايسكم بعربياتكم .. إركنوها بره وإدخلوا على رجليكم .. وخدوا بالكم غيركم بيتشعبط في الاتوبيسات !! 

بلاش تكونوا عثره واحتفظوا بحياتكم الشخصيه بعيده عن الانظار ....

بلاش تكونوا مجرد تنفيذ إعدام للرعيه

اريد رحمه .. لا ذبيحه

#JsHeRiF2011

------------------

تأمل في الخطيه الأولى !!!

بالرغم من بشاعة الخطيه وعدم طاعتهم لربنا ( كمثلي انا !! ) ..

بالرغم من تحديهم للخالق الاعظم !! ( كمثلي انا !! )

بس حاولت اشوف الحاجه الرومانسيه في القصه بعيدا عن الدين والخطيه ....

ربنا خلق آدم قبل حواء .. يعني آدم شاف شاف وعرف يتعامل مع مخلوقات الارض قبل حواء وهنا اقصد الخبره الحياتيه .... 

وعندما خلقت حواء تفكرت وسمعت للحيه ودخل الشر في قلبها !! بعدما كان آدم يحيا حياه سعيده مع الخالق !!

ولكن أراهن أن حواء رفضت أن تأكل منها وحدها وأتخيل أن تكون تحايلت بعض الشيء او ربما اصرت وبقلب آدم الذي " يحب " حقا ... لم يرفض وليس كان هناك ما يدعوه لذلك ...

وهنا جائت حياة الشركه قبل أن تسمى بذلك !!

حواء اشركت آدم في تفاحتها ..

وآدم قبل أن يشترك في تفاحتها ..

وأصبحت التفاحه .... تفاحتهما ... خطيتهما !!

ولكن ما يدعوني للتساؤل !!

لماذا عندما ناد الله على آدم إختبأ !؟

ولماذا كل على الاخر رمى أعذار كأنه كان مسلوب الاراده !! هو كان ضعيف أمامها بكل " الحب " !! ولكن هل من الممكن أن يسمح بخطأ جسيم كهذا !!؟

تلخيص الحكايه : الحب اولا ثم الشركه ثم الخوف ثم الخبره الحياتيه ثم إحترام الاراء ثم أيضا الحب أخيرا .

#JsHeRiF2011

------------------

@sherif aziz

------------------

كلمه في ودانك !!!

عايز اقولك كلمه في ودنك :

---> مش علشان رجل دين وحش !! يبقى كلهم وحشين ..

---> مش علشان أمين خدمه مش "أمين" !! يبقى كلهم مش أمناء ..

---> مش علشان خادم مش بيحب مخدوميه !! يبقى كلهم مش فيهم محبه ..

---> مش علشان أب في بيته مش "أب" !! يبقى كلهم مش فيهم الرب ..

---> مش علشان أم في بيتها مش بقلب !! يبقى كلهم مش فيهم الحب ..

---> مش علشان واحد خانك وضربك في ضهرك !! يبقى كلهم خاينين ..

---> مش علشان واحد بيشتم في الشارع !! يبقى إحنا مجتمعنا مش محترمين.

---> مش علشان انا وحش وبجيب في سيرتك !! هتظلم معايا الناس المتربيين .. 

---> في ناس حواليك كتير حلوين ... بس ربنا بيوريك الوحش الأول !!!

Sherif Aziz 

#JsHeRiF2011

-----------------------------------------------------------

امنحني الثقه في نفسي كي أعبر لك مجددا

أعلم إنك تستطيع أن تفعل كل شيء ولا يعثر عليك أمر ..

اجلسني تحت قدميك كالمرأة الخاطئه ..

واقمني من أمامك نفس تائبه بنعمتك ..

إرحم صغر نفسي ..

إعن ضعف إيماني ..

طال بي الليل ولا يوجد من يضيء لي الطريق سواك ...

نهاري كله بكاء على ما مضى ..

اقمني من سقطتي يا الله ...

خطيئتي أعظم من أن تحتمل ..

لا تحجب وجهك عني يا مخلصي الصالح ..

لا ترفضني كمثل باقي البشر ..

امنحني سلامك الذي قلت عنه " ليس كما يعطي العالم اعطيكم انا " ..

إدخلني من بابك المفتوح الذي قلت عليه " تفتح ولا أحد يغلق بعدك " ..

اقمني من سقطتي وارفع حملي الثقيل عن ظهري المنحني كما قلت " تعالوا إلي يا ثقيل الاحمال وانا أريحكم " ..

لم يعد بمقدوري أن اتحرك إليك .. فتعالى أنت إلي .. تعبت من كثرت محاولاتي وكلها بائت بالفشل ... !!

أعلن أمامك يارب وافضح ما بداخلي من شيطان إنني فشلت وضعفت وانحنى ظهري ... شعري شاب .. وظهري إنحني ..

أقمنى يارب .. عزيني .. ثبتني .. اغفرلي .. قومني .. توبني .. امنحني الثقه في نفسي كي أعبر لك مجددا ...

JsHeRiF2011

------------------

مناجاه " لعازر " !!

ياربي يسوع المسيح

اعلم إنني خاطئ حتى هذه الدقيقه من عمري !!

واعلم أن صلاة الاشرار مكرهه للرب !!

واعلم إنني لا ساخن ولا فاتر في الروحيات وانت مزمع أن تتقيأني من فمك !!

وفي الوقت نفسه أعلم إنك جئت من أجلي !!

أعلم إنك جئت من أجل "لعازر" الذي بداخلي !!

أعلم إنك جئت لتقيم الانسان الاول الذي مات بخطيته !!

وأعلم أيضا إنك تنتظرني مئات المرات بعد كل سقوط في الخطيئه !!

وكما أعلم وعودك الامينه إلي بإنك مازلت على الباب تقرع وتنتظرني أن أفتح لك !! وإن دخلت لا ترغب في الخروج !!

كما أعلم إنني كاذب وكل وعودي نحوك هي كذب أيضا !!

وكما تطلب مني أن أرجع إليك لترجع إلي !!

أطلب منك أيضا أن تمسك برجليا ويديا ولساني وعقلي وقلبي وكل حواسي وتجذبني إليك !!

لم ولن أتوب يوما إلا أن تتوبني !! فأنت من قلت ذلك !!

بحثت عن ماء وشربت من ماء الخطيه !!

تركتك أنت ينبوع الماء الحي وإلتجأت إلي ماء الدنيا الوقتيه !!

اشتهيت ونظرت !!

وأكلت وشربت !!

وجمعت في المال !!

غضبت وشتمت وكرهت ولعنت !!

وفي كل هذا مازلت عطشان واطلب ماء الحياة الابديه !!

لا أجد كلاما يوفيك حقك عليا !!

ولكني أطلب منك أن تعطيني الفرصه الاخيره وبمعونتك وقوتك وإرشاد روحك القدوس .. سأنتصر على ذاتي الحقيره .. وستتقدس بحلول روحك القدوس !!

ساعدني .. انقذني .. لا تهملني !!

----------------------

BY Sherif Aziz

#JsHeRiF2011

----------------------

وايه يفيدني في الحياه !!!

انا بالانا مولود

غرور في الطبع موجود

ويوم ما اقول مهدود

ما احب حد يقولي مالك !!

سايب إيديك يا تواضع

سايب إيديك يا خشوع

انا من المحبه ممنوع

ولا يوم هاممني سيدي !!

همي بقا جمع المال

همي بقا زي الخال

اصحى واقوم مهموم البال

في الساقيه زي التور !!

انا من النوم محروم

انام واصحى مهموم

بجري ورا حق اليوم

وناسي حق إللي إشتراني بدمه !!

وايه يفيدني في الحياه

مادمت ماشي بالسفه

امشي من غيره وبلاه

ولا معايا حق الكفن !!

------------------------

رباعيات روحيه ...

By Sherif Aziz

#JsHeRiF2011

----------------------

انا لسه اعمى !!

شوكة في راسي ... قصدي في راسك

انت بدالي على الصليب !!!

شوفت الحربه مضروبة في جنبي ... قصدي في جنبك

ما انت بدالي في موقف عجيب !!!

مسمار في ايديا ... قصدي إيديك

ده انت بسببي مت غريب !!!

مسمار وحربة واكليل شوك

انا كنت واقف هناك !!!

يوم ما كانوا بيحاكموك !!!

يوم ما كانوا بيلطموك !!!

اكليل شوك لابسوك !!!

على خشبة الصليب علقوك !!!

يا ويلي من اللي خانوك !!!

قصدي خيانتي ليك ولحبك !!!

جيت علشاني وانا جرحتك !!!

تلت مسامير دقتهم في لحمك !!!

وكمان حربة غارسها في جنبك !!!

وساعة ما عطشت بالخل سقيتك !!!

وانا بإيديا سكنتك قبري ... قصدي قبرك !!!

قتلتك واهانتك ... وبإيديا دفنتك !!!

وبعد ده كله جاي وباقولك ممكن تسامحني .. باقولك !!!

اقول ايه وانا لسه اعمى !!!

اعمى القلب ولساني يشهد !!!

صمتي عليك ... صمتي دليل

عجز وضعف ويأس وخوف !!!

ارجوك تسند ... ده انا قلبي ذليل !!!

مكسور محصور متلجم من خوفي

ما اعرف سكه غير تنهيدي

وبعد قيامتك

لسه بخونك !!!

ايوه بخونك !!!

بعدي عنك !!!

كرهي لأبنك !!!

سايب بنتك !!!

بره حظيرتك !!!

ارجع ليك ؟؟؟ ايوه ده حقك

بس ساعديني ... احبي عليك 

وترفعني على منكبيك

وتشيلني جوه عنيك

اصلك نقشني على كفيك

وعدك ليا آمين وصادق

مهما اتأخرت واثق فيك

حبك ليا هو دليلي

ولا غيرك يحن عليا

دايما ما اعرف اقفل كلمه ليك

ودايما سايب باب قلبي مفتوح ليك

ادخل ... نضف ... حطم صنمي وخليني ليك

يــــــــــــــــــــــــــا يســــــــــــــــــــــــــــــــوع

يــــــــــــــــــــــــــا إبـــــــــــــــــــــــــــــــن الله

------------------------

منـــــــــــاجـــــــــــاه

JsHeRiF2011

------------------------

نحن روحيين ولسنا جسديين ...

كعادتــــي ، وانا اقوم بإرسال رسائل لمن أعرفهم من اقاربي وغيرهم 

وكانت الرساله " وقوم خطواتي" ( مز 119 )

وقمت بعمل أختيار لمن أرغب في ارسال الرساله لهم ، ثم فجأه !!

بعد أن أخترت رقم " عمي " توقفت فجأه وأحسست إنني فقدت النطق !!

نعم .. توقف عقلي ، ولماذا ؟؟؟

لأنه فارق الحياه منذ اسبوعين تقريبا ، ولكني نسيت ذلك !!!

نحن روحيين ولسنا جسديين ...

فمن فارقنا بجسده ، نحن نؤمن إنه معنا بروحه ...

ومن لا يؤمن بذلك !! فليتأكد إنه هو الميت الحقيقي

--------------------------

JsHeRiF2011

-------------------------------

اختيارك خير من إختياري !!

سامضي في الطريق الذي إخترته لي يارب

سوف أقول دائما : لتكـــــــــــــــن مشيئتــك

ولكن ، أسألك أن تمسح دموع عيوني

إن ضعفت في الطريق

-------------------

JsHeRiF2011

----------------------------

أعلن فشلي أمامك !!

يا إلهي القدوس مخلصي الصالح

أعلم إنك تستطيع أن تفعل كل شيء ولا يعثر عليك أمر ..

اجلسني تحت قدميك كالمرأة الخاطئه ..

واقمني من أمامك نفس تائبه بنعمتك ..

إرحم صغر نفسي ..

إعن ضعف إيماني ..

طال بي الليل ولا يوجد من يضيء لي الطريق سواك ...

نهاري كله بكاء على ما مضى ..

اقمني من سقطتي يا الله ...

خطيئتي أعظم من أن تحتمل ..

لا تحجب وجهك عني يا مخلصي الصالح ..

لا ترفضني كمثل باقي البشر ..

امنحني سلامك الذي قلت عنه " ليس كما يعطي العالم اعطيكم انا " ..

إدخلني من بابك المفتوح الذي قلت عليه " تفتح ولا أحد يغلق بعدك " ..

اقمني من سقطتي وارفع حملي الثقيل عن ظهري المنحني كما قلت " تعالوا إلي يا ثقيل الاحمال وانا أريحكم " ..

لم يعد بمقدوري أن اتحرك إليك .. فتعالى أنت إلي .. تعبت من كثرت محاولاتي وكلها بائت بالفشل ... !!

أعلن أمامك يارب وافضح ما بداخلي من شيطان إنني فشلت وضعفت وانحنى ظهري ... شعري شاب .. وظهري إنحني ..

أقمنى يارب .. عزيني .. ثبتني .. اغفرلي .. قومني .. توبني .. امنحني الثقه في نفسي كي أعبر لك مجددا ...

----------------

JsHeRiF2011

----------------

عشقــــــــــت

عشقت الموت في بعدي عنك لكي التقي بك من جديد !

عشقت الصمت في بعدي عنك لكي تحدثني من جديد !

عشقت الكلام في بعدي عنك لكي أعرف كم أنا شريد !

عشقت الليالي في بعدي عنك لكي اعرف كم انا مريض !

عشقت شبابي في بعدي عنك لكي أعرف كم كنت قعيد !

عشقت وكرهت ... كرهت وعشقت ... إليــــــ ...............

--------

والآن يا الله 

عد ونج نفسي 

لا تطرحني من قدام وجهك

بكلامتك احيي نفسي

تحدث معي بلطف كأبن لك

رافقني في الليالي ولا تتركني وحيدا

المس شبابي لكي أعيش طاهرا كما كنت لك

كرهت الخطيئه لأنها تفصلني عنك

وأحببت الخطيئه لأنها تزيد اهتمامك بي وتقربني منك

---------

كرهت وعشقت

احبك ياربي واعشق الدقائق التي اكون بجانبك فيها

ضمني إليك يا ملجأ الملتجئين إليك

لا ترزلني ولا ترفضني ... بل إقبلني ... وطهرني

------------------

JsHeRiF2011

------------------

بسأل نفسي ؟!

ساعات بسأل نفسي
لو انا في زمن السيد المسيح ...
ميلاده وصلبوته وقيامته ...
كان ايه موقفي ؟؟؟

في ميلاده
يا ترى هاكون المجوس اللي راحوا مش علشان يقدموا الهدايا كتعظيم ليسوع المولود في المذود ! لأ طبعا ده بس علشان يتأكدوا من نبؤه كانت عندهم في المجوسيه ؟!
ولا هاكون جندي من بل القصر اللي دخل يدبح في أطفال بيت لحم ؟!
ولا هاكون الرعاه اللي كانوا نايمين ولا حاسيين بالميلاد العظيم اللي تم ، واللي كان بيستناه انبياء كتير سبقوهم ؟!

في صلبوته
يا ترى هاكون يهوذا اللي باعوا وخانوا ؟!
يا ترى هاكون الجندي اللي لطمه على وشه قدام حنانيا وقيافا ؟!
يا ترى هاكون من الناس اللي هتفت وقالت اصلبه ؟!
يا ترى هاكون من الجنود اللي جلدوه ؟!
يا ترى هاكون من اللي عراه واقترع ع ثوبه ؟!
يا ترى هاكون الجندي اللي دق المسمار ؟!
يا ترى هاكون الجندي اللي عنه بالحربه ؟!

في قيامته
يا ترى هاكون توما وكنتش هصدق الا لما المس المسيح ماديا ؟!
يا ترى هاكون شاول الطرسوسي ؟!

يا ترى ويا ترى ويا ترى

بس اللي عايز اقوله إني فعلا المسمار الرابع في جسد السيد المسيح !
ايوه المسمار الرابع ، مسمار مكنش متشاف !!!
مسمار مدقوق في قلبه ! وكل يوم بدقه زياده !!!
بـ شكي في قوتك ... بـ بعدي عن المكان اللي انت فيه موجود !
بـ نفاقى في معاملتك ! ... بـ إهمالي في مقابلتك !
بـ كتير يارب ومعنديش حصر للكلمات وكل موقف يعمل كتاب ...

---------------
JsHeRiF2011

---------------------