اريد رحمه .. لا ذبيحه !!!

نفسي رجال الدين يخفوا من مرض التصوير بقا ، إللي في كل مكان يروحوا فيه ويتصورا فيه !!

إرحموا صغار النفوس وضعف البشريه . 

في ناس بتتمنى تخدم والكنيسه قفلت في وشهم الباب .. علشان ما اخدوش ما يسمى ب " إعداد خدام " !!!

ده حتى بلاش نخلي الخدمه تباهي .. !!

واللي تشوفه بيعمل عيد ميلاده وغيره مش لاقي الرغيف الحاف !!

واللي تشوفه متصور مع إبنه وغيره بيتمنى ربنا يديله !!

وإللي تلاقيه بيصيف وغيره بيحاول يسد ديونه !!

بلاش تقول انا رايح اتعالج بره .. اصل في ناس هنا بتموت ومحدش حاسس بيها !! 

بلاش تدخلوا كنايسكم بعربياتكم .. إركنوها بره وإدخلوا على رجليكم .. وخدوا بالكم غيركم بيتشعبط في الاتوبيسات !! 

بلاش تكونوا عثره واحتفظوا بحياتكم الشخصيه بعيده عن الانظار ....

بلاش تكونوا مجرد تنفيذ إعدام للرعيه

اريد رحمه .. لا ذبيحه

#JsHeRiF2011

------------------

مع قهوتي 1 !!

قهوتي مرآتي

تأنسني في اشد اوقاتي

ارى فيها السماء

واحيانا ارى امواتي

من مات بداخلي يوما

ومن سوف يموت مجددا

هي تلهمني بكلماتي

وتلتهمني بمشاعرها 

مرارتها حلو في فمي

وسوادها يداعب احاسيسي

نعم أحبها .. فهي جليستي 

نعم اعشقها .. فهي رفيقتي

نعم اعشقها .. فهي لن تتخلى يوما عني

Sherif Aziz 

#JsHeRiF2011

---------------------

تأمل في الخطيه الأولى !!!

بالرغم من بشاعة الخطيه وعدم طاعتهم لربنا ( كمثلي انا !! ) ..

بالرغم من تحديهم للخالق الاعظم !! ( كمثلي انا !! )

بس حاولت اشوف الحاجه الرومانسيه في القصه بعيدا عن الدين والخطيه ....

ربنا خلق آدم قبل حواء .. يعني آدم شاف شاف وعرف يتعامل مع مخلوقات الارض قبل حواء وهنا اقصد الخبره الحياتيه .... 

وعندما خلقت حواء تفكرت وسمعت للحيه ودخل الشر في قلبها !! بعدما كان آدم يحيا حياه سعيده مع الخالق !!

ولكن أراهن أن حواء رفضت أن تأكل منها وحدها وأتخيل أن تكون تحايلت بعض الشيء او ربما اصرت وبقلب آدم الذي " يحب " حقا ... لم يرفض وليس كان هناك ما يدعوه لذلك ...

وهنا جائت حياة الشركه قبل أن تسمى بذلك !!

حواء اشركت آدم في تفاحتها ..

وآدم قبل أن يشترك في تفاحتها ..

وأصبحت التفاحه .... تفاحتهما ... خطيتهما !!

ولكن ما يدعوني للتساؤل !!

لماذا عندما ناد الله على آدم إختبأ !؟

ولماذا كل على الاخر رمى أعذار كأنه كان مسلوب الاراده !! هو كان ضعيف أمامها بكل " الحب " !! ولكن هل من الممكن أن يسمح بخطأ جسيم كهذا !!؟

تلخيص الحكايه : الحب اولا ثم الشركه ثم الخوف ثم الخبره الحياتيه ثم إحترام الاراء ثم أيضا الحب أخيرا .

#JsHeRiF2011

------------------

@sherif aziz

------------------

رخامتها محدش يستحملها غيري !!!

اقوم م النوم مفزوع

تنكشلي في شعرها

ومن الفجريه تصحيني

قال مش جايلها نوم !!

تقولي قوم لاعيبني شويه

او إحكيلي عن أي حكايه 

ولا اقولك شغل الشوايه

اصلي جعانه وللاكل معاك مش شبعانه !!

اقولها يا بنتي الله يهديكي

عايز انام وبكره اللي يرضيكي هاعمله

تقولي لا .. كل يوم !!!

مش بنتك واختك وحبيبتك ؟؟

يبقى انا تلاته ولازم ترضيهم ..

ربنا يخليك ليهم 

انت جوزي وبابايا واخويا ..

يلا بقا قووووم لاعيبني ...

اقولها يا مجنونه سيبيني في حالي 

ده عايز انام ساعتين علشان اكمل ليوم الاتنين !!

الاقيها تقولي خلاص مش عايزه حاجه منك .. وتسيبني وتمشي !!

بس انا طبعا مقدرش على زعلها

اتسحب براحه وابوسها واقولها 

مش تزعلي يا حبيبتي ...

تصبحي على خير ..

قوم تطلع هي ارخم مني وتقولي وانت من أهل الخير ...

قوم اطلع انا ارخم ارخم منها وادخل وانام واسيبها 

بس هي طلعت ارخم بكتير وتسيبني انعس شويه وبعدين تصحيني تاني 

اوووووف منها بقا 

اتاريها طلعت فعلا عايزه تلعب ..

هههههههههههه ... ماشي كلامك يا سيتو انا 

نقوم نلعب ...

فأول لعبه وقالتلي مش لاعبه  !!

دي عبيطه بقا ولا ايه !؟

خليتني اطبطب عليها وابوسها واقولها .. علشان خاطري قومي نلعب بقا !!

هههههههههه

رخامتها ملهاش حدود

ربنا يخليها ليا 

#JsHeRiF2011

--------------------

إنسان عادي !!!

انا إنسان عادي

ويمكن اكون اقل من العادي

بس الحكايه

إني هاعرف احبك بجنـــــــــــــون

وعشقي ليكي بضمير هايكــــون

وإن هاكونلك حنيه لدموع العيون

وهاكونلك ابتسامه وسط اليــــوم

هــ أكبــــــــس ع نفســــــــــــــك وســــــــــط الناس وين ما تكونـــي 

هــ الزقـــــــــلك يا حبيبتـــــــــي فــي اي مكــــــــان تروحــــــــــــــــي 

هــ أجري عليكـــــــــي واصالحــــــك علشـــــــان مش تهونــــــــــــي 

هــ أكونلك " ماما " اللي في كل ليلـــــــه تسهـــــر عليكــــــــــــــــي 

هــ أكونلك " بابا " إللي تستنيــــــــــــه بحاجاته الحلوه ليكـــــــــــــي 

هــ أكونلك " أخ " إللي بعد ما البيت ينكد  يطبطب عليكـــــــــــــــي 

هــ أكونلك " أخت " كل يوم تجيبوا سيرت البنت فلانه وخطيبها الموز 

هــ أكونلك " صديق " نفرح ونحزن ما تنسيش ما هو قلبك التاني  

و هـــــــــــــ أكونــــــــــلك " حبيـــــــــــــــــب "

فــــي كـــــل ليلـــــــه ينكـــــــــد عليكــي 

وبعد دقيقتين يصالحك ويجري عليكـــــــي 

ومع اول شوية برد برموش عينيه يغطيكي 

بإيديه و ع سريرك وبنفسه يعشيكـــــــــي 

ويحكيلك حكايــــــــه بتتكرر كل يــــــــــــوم !!

حكاية حبه إللي لسنين هاتدوم معاكـــي 

و ع رجليه هايشيلك،بنتي ولازم هاتكوني 

و هــ أكون كمان خطيبك وجوزك وحبيبك 

وتلفزيونك وموبايلك وساعتك ونضارتــــك

وبنطلونك وبلوزتك وشعــــرك وخـدودك 

بــــــــــــــس زي مـــــــا هــــــاكــــــــون كـــــــــــل دول ....

هاتلاقينــــــــــــــــــي واقفــــــــــلك فـــــــــي الــــــزور  

لأن حبيبـــــــــــك بيغيـــــــــــــر بجنـــــــــــــــــــووووووون !!!

هايولع فيكـــــــــــــــي لو سلمتــــــي ع حد غيــــــــــره 

ولو ضحكتي في يوم مع حد ، انكد عليكي نهار الأتنين 

لمي الدور وفضيها سيره ... ده انا قلبي ماليه الغيره

-----------------

#JsHeRiF2011

-----------------

ولســـــه ليها في قلبــــــي المكان !!!

طلعت ومشيت وراحت وجت

لفت واخدت كتير م الوقت

راحت وشافت وقابلت وعاشت

ولسه ليها في قلبي مكان !!

قصه بقالها زمان من سنين

كل ما انسى .. يقولي ده مين ؟؟

إنت بتضحك بقا على مين ؟؟

دي ساكنه بين ضلوعك .. آمين 

ويوم ما قربت منها لاقيت

قلب يحب ويعشق بشده

قلب بيخلص ويوفي بقوه

آمان ودفا في قلبها .. نسيت

حكاية حب ماليها مثيل

تحكي بيها الاف من سنين

وتبقى دي قدوه لاجيال كمان

يحكوا ويضربوا بيها المثل

ده بحكي وشايل في قلبه الحنين

شايل في عقله أجمل سنين

يفرح على موقف قديم

وفجأه يدمع من جرح ضنين 

يا قلبي إنسى إللي فات وإطويه

كأنه في القبر مات وإندفن 

وصلوا عليه صلاة المنتقلين

وعيش لحظاتك مع أجمل صدى

#JsHeRiF2011

--------------------

حبيبتي ... لا تسأليني !!!

عــــزيـــــزتي 

إسأليني كيفما شئتي 

ولكـــــــــــن

هناك من الأسئلة ممنوع عنها الأجابه !!

لا تسأليني : هل أنت تحبني ؟!

لا تسأليني : ولماذا أحببتني ؟!

لا تسأليني : كيف أحببتني ؟!

لا تسأليني : ماذا أحببت في ؟!

لا تسأليني : ستظل تحبني ؟!

فكل إجاباتي لا تستطيع أن تبوح بما اشعر به نحوك !!

فكل إجابتي ستكون أقل القليل ، فلا تدعيني أكذب !!

فإسمحي أن تتركي لأحساسك العنان ..

وسأسمح لك بأن تتوغلي بداخلي ..

حتى تستوطني وتبني بداخلي مدينتك الجديده ..

#JsHeRiF2011

Sherif Aziz

-------------------------

صناعــــــــــــــة الحيـــــــــــــــــاه

سأصنع لنفسي عقلا غير قابل لتبرير التصرفات !!

وسأصنع ايضا قلبا يحب ولا يطلب الحب من أحد !!

وسأصنع يدا ترفع وتخدم وتساعد وتساعد حتى التوقف !!

وسأصنع رجلا تبحث عن الطريق للغريب إذا ضل يوما !!

وسأصنع حبا يملا الكون زحاما من لا شيء !!

وسأصنع حياتا للموتى فدا الموت ورغما عنه !!

وسأصنع عشا لعصفور يهرب من صياد متوحش !!

وسأصنع لبنا لطفل يبكى جوعا وأمه قد ماتت !!

وسأصنع حقلا ازرع فيه بدلا من جيرا وحجاره ورماد !!

وسأصنع أمرأة ترغب في التعلم كيف تحب دون ملل !!

وسأصنع أما تعشق اطفالا لكي تعلمهم كيف يكون العشق !!

وسأصنع كأسا من المر ، أذوقه يوما إذا حدت عن الطريق !!

وسأصنع ينابيع دموعا لمن جفت ينابيع دموعه يوما !!

وسأصنع الكثير من الأبتسامات لمن فقد يوما أمله في الغد !!

وسأصنع الأبن لأب أو أم فقد إبنه يوما ما !!

وسأصنع الأب و أيضا الأم لأبنا فقدوا ابائهم وامهاتهم يوما !!

وسأعمل عن أن اصنع " مصنــع " كبير يستطيع أن يصنع الحياه كما يجب أن اكون ...

------------------------

الحيـــــــــــــــاه صناعـــــــــــــــه لــ #JsHeRiF2011

Sherif Aziz

------------------------

كلمه في ودانك !!!

عايز اقولك كلمه في ودنك :

---> مش علشان رجل دين وحش !! يبقى كلهم وحشين ..

---> مش علشان أمين خدمه مش "أمين" !! يبقى كلهم مش أمناء ..

---> مش علشان خادم مش بيحب مخدوميه !! يبقى كلهم مش فيهم محبه ..

---> مش علشان أب في بيته مش "أب" !! يبقى كلهم مش فيهم الرب ..

---> مش علشان أم في بيتها مش بقلب !! يبقى كلهم مش فيهم الحب ..

---> مش علشان واحد خانك وضربك في ضهرك !! يبقى كلهم خاينين ..

---> مش علشان واحد بيشتم في الشارع !! يبقى إحنا مجتمعنا مش محترمين.

---> مش علشان انا وحش وبجيب في سيرتك !! هتظلم معايا الناس المتربيين .. 

---> في ناس حواليك كتير حلوين ... بس ربنا بيوريك الوحش الأول !!!

Sherif Aziz 

#JsHeRiF2011

-----------------------------------------------------------

امنحني الثقه في نفسي كي أعبر لك مجددا

أعلم إنك تستطيع أن تفعل كل شيء ولا يعثر عليك أمر ..

اجلسني تحت قدميك كالمرأة الخاطئه ..

واقمني من أمامك نفس تائبه بنعمتك ..

إرحم صغر نفسي ..

إعن ضعف إيماني ..

طال بي الليل ولا يوجد من يضيء لي الطريق سواك ...

نهاري كله بكاء على ما مضى ..

اقمني من سقطتي يا الله ...

خطيئتي أعظم من أن تحتمل ..

لا تحجب وجهك عني يا مخلصي الصالح ..

لا ترفضني كمثل باقي البشر ..

امنحني سلامك الذي قلت عنه " ليس كما يعطي العالم اعطيكم انا " ..

إدخلني من بابك المفتوح الذي قلت عليه " تفتح ولا أحد يغلق بعدك " ..

اقمني من سقطتي وارفع حملي الثقيل عن ظهري المنحني كما قلت " تعالوا إلي يا ثقيل الاحمال وانا أريحكم " ..

لم يعد بمقدوري أن اتحرك إليك .. فتعالى أنت إلي .. تعبت من كثرت محاولاتي وكلها بائت بالفشل ... !!

أعلن أمامك يارب وافضح ما بداخلي من شيطان إنني فشلت وضعفت وانحنى ظهري ... شعري شاب .. وظهري إنحني ..

أقمنى يارب .. عزيني .. ثبتني .. اغفرلي .. قومني .. توبني .. امنحني الثقه في نفسي كي أعبر لك مجددا ...

JsHeRiF2011

------------------

كراكيـــــــــــــب

احلى ما فيا شوية كراكيـــــــــــــب

ذكريات عليها شوية دباديـــــــــــب

دبدوبه حمرا بتفكرني بلحظة حب 

ودبدوبه سودا بتفكرني بغدر وكـره 

ودبدوبه بيضاء تمسح اي دمـــــوع

واحلى مافيها كراكيب قلبـــي 

ده الحب ذاته .. آه ياني مني 

كراكيب تتسرسب منــــــــــي

انساها امبارح .. في رساله تطلعلي 

اقول مش وقته .. الاقيها في حلمــي

اقوم من نومي .. الاقيها في سيرتي

ما هي اصلها ... اصلي ورسالة امسي

اصلها هي حكايتي وموالي 

منساها يوم لو حتي في خيالي

وإن بعدت لحظة !! تفضل معايا في أيامي

والأسم كراكيب .. تتسرسب مني وتصبح أم عيالي

افكاري وبنات افكاري ... هي

احلامي وحقيقتي ..... هي

افراحي واحزاني ....... هي

ما هي اصلها حجر الأساس في حياتي ... هي

يا كراكيب لو قلتلك إنسيني ؟

لو حلمت بيكي وانتي بتقتليني

لو في يوم ناديت عليكي .. سيبيني

لو حسيتي بيا بفكر فيكي .. أرجوكي إبعديني

مش خاين ولا ناكر عيشك وملحك

بس الحكايه إني حياتي ماليهاش عيش من بعدك

ماليهاش راحه في بعدك 

ولغيبتك انا راح افضل مفقود ....

كفايه كده تعبت !!!

-----------------------

JsHeRiF2011

-----------------------

 — feeling sad.

مناجاه " لعازر " !!

ياربي يسوع المسيح

اعلم إنني خاطئ حتى هذه الدقيقه من عمري !!

واعلم أن صلاة الاشرار مكرهه للرب !!

واعلم إنني لا ساخن ولا فاتر في الروحيات وانت مزمع أن تتقيأني من فمك !!

وفي الوقت نفسه أعلم إنك جئت من أجلي !!

أعلم إنك جئت من أجل "لعازر" الذي بداخلي !!

أعلم إنك جئت لتقيم الانسان الاول الذي مات بخطيته !!

وأعلم أيضا إنك تنتظرني مئات المرات بعد كل سقوط في الخطيئه !!

وكما أعلم وعودك الامينه إلي بإنك مازلت على الباب تقرع وتنتظرني أن أفتح لك !! وإن دخلت لا ترغب في الخروج !!

كما أعلم إنني كاذب وكل وعودي نحوك هي كذب أيضا !!

وكما تطلب مني أن أرجع إليك لترجع إلي !!

أطلب منك أيضا أن تمسك برجليا ويديا ولساني وعقلي وقلبي وكل حواسي وتجذبني إليك !!

لم ولن أتوب يوما إلا أن تتوبني !! فأنت من قلت ذلك !!

بحثت عن ماء وشربت من ماء الخطيه !!

تركتك أنت ينبوع الماء الحي وإلتجأت إلي ماء الدنيا الوقتيه !!

اشتهيت ونظرت !!

وأكلت وشربت !!

وجمعت في المال !!

غضبت وشتمت وكرهت ولعنت !!

وفي كل هذا مازلت عطشان واطلب ماء الحياة الابديه !!

لا أجد كلاما يوفيك حقك عليا !!

ولكني أطلب منك أن تعطيني الفرصه الاخيره وبمعونتك وقوتك وإرشاد روحك القدوس .. سأنتصر على ذاتي الحقيره .. وستتقدس بحلول روحك القدوس !!

ساعدني .. انقذني .. لا تهملني !!

----------------------

BY Sherif Aziz

#JsHeRiF2011

----------------------

وايه يفيدني في الحياه !!!

انا بالانا مولود

غرور في الطبع موجود

ويوم ما اقول مهدود

ما احب حد يقولي مالك !!

سايب إيديك يا تواضع

سايب إيديك يا خشوع

انا من المحبه ممنوع

ولا يوم هاممني سيدي !!

همي بقا جمع المال

همي بقا زي الخال

اصحى واقوم مهموم البال

في الساقيه زي التور !!

انا من النوم محروم

انام واصحى مهموم

بجري ورا حق اليوم

وناسي حق إللي إشتراني بدمه !!

وايه يفيدني في الحياه

مادمت ماشي بالسفه

امشي من غيره وبلاه

ولا معايا حق الكفن !!

------------------------

رباعيات روحيه ...

By Sherif Aziz

#JsHeRiF2011

----------------------